Ek het 'n week terug begin voorberei vir my eksamens en al my notas bymekaar gemaak. Ek het geduldig gewag op my werksopdragte omdat ek weet dat die poskantoor moeilikheid gee. Ek voel soos ek vandag hier sit klaar oorwonne met hierdie eksamenvoorbereiding omdat ek weereens nie weet wat dit is wat ek verkeerd doen nie, omdat ek nie my werksopdragte gekry het nie.
Die my.unisa webtuiste is af vandag, die my.life e-pos dienste is ook af!!! Ek is absoluut moedeloos!!! Dit is immers die dag voor die eksamen begin. Ek besef dat julle onmoontlik die posdienste kon beheer, maar dit voel vir my asof hierdie eksamen my al klaar gepooitjie het nog voordat ek eers begin het. Unisa het dit nie hierdie semester vir ons enigsins makliker gemaak om sukses te behaal nie.
Ek het ook nog nie eers my eksamenrooster ontvang nie??? Die diens is vir my absoluut swak. Is UNISA 'n onderriginstansie of probeer hulle maar net uit 'n paar van ons 'n vinnige randjie maak??
Hierdie is my finale semester en ek hoop om my graad nou finaal agter die rug te kry, maar op hierdie trant gaan ek nooit klaar kom nie!!!
0 comments